Полицијата употреби солзавец и водени топови врз демонстрантите на антивладиниот протест во Љубљана

Од:

Словенечката полиција денеска употреби солзавец и водени топови против демонстрантите на антивладиниот протест во Љубљана, во пресрет на самитот на лидерите на ЕУ.

Стотици демонстранти денеска излегоа на протестот заради острите владини мерки против коронавирусот, а ова е трет ваков инцидент во главниот град на Словенија во последниот месец, пишуваат американските медиуми.

Словенечката полиција постави контролни пунктови и го ограничи сообраќајот и движењето недалеку од Љубљана, каде што ќе се одржи самитот.

Според полициските извештаи, приведен е водачот на протестот, а запрени се околу 30 автобуси што ги носеле демонстрантите од другите градови во Љубљана.

Полициски хеликоптер прелетуваше над центарот на главниот град, додека полицијата истрела солзавец и употреби водени топови врз демонстрантите кои се движеа низ центарот на Љубљана.

Демонстрантите носеа транспаренти на кои пишуваше „Стоп за корона фашизмот“, барајќи еднакви права за вакцинираните и невакцинираните граѓани.

Како и повеќето земји од Централна и Источна Европа, и Словенија во последните недели бележи зголемување на бројот на заразени со Ковид-19.

Би можело да ве интересира

Словенија пресече: Нема задолжителна вакцинација

А1он

Кек останува селектор на Словенија до 2024

А1он

Протести во Вашингтон додека Врховниот суд ги слуша аргументите за случајот со кој се легализираше правото на абортус

А1он

Протести ширум светот против Амазон

А1он

Предан: Реално е да се подготви теренот за договор меѓу Скопје и Софија, сигналите од Бугарија се охрабрувачки

А1он

ВИДЕО: Ромските здруженија на протест против полициската бруталност

Катерина Павлова-Николовска