Подгорица потврди: Патријархот Порфириј беше загрозен на Цетиње

Од:

Потпреседателот на црногорската влада, Дритан Абазовиќ изјави дека постоела голема безбедносна закана за Патријархот Порфириј.

„Истрагата ќе ги утврди деталите и фактите за безбедносната закана за време на устоличувањето на Митрополитот Јоанакиј на Цетиње“ – рече Абазовиќ.

Тој оценува дека безбедносните служби положиле сериозен испит иако според него од целиот настан ќе остане „горчлив вкус“.

Абазовиќ објаснува дека немало случаи на откажување послушност во безбедносниот сектор, туку дека постоеле случаи на одредено емотивно колебање кај одредени поединци.

„Секторот за безбедност функционира беспрекорно. Не дозволувам на луѓето да им се става на товар нешто што не било нивна грешка. Секој кој одбил задача, ќе биде суспендиран“ – вели потпреседателот на црногорската влада.

Додава дека државата не е таа што одредува дали некој во одредена црква може да изврши обред, туку нејзина задача е да ги заштити уставните права.

„Никој освен мене немаше да излезе пред јавноста и граѓаните ако му се случеше нешто на патријархот на СПЦ. Не дозволувам на никој начин да се фрла сенка на работата на службениците на полицијата. Не се гордееме со употребата на солзавец, но овде недостасува дијалог и политичка култура“ – вели Абазовиќ.

Би можело да ве интересира

Буџетот на Црна Гора за 2022 година предвиден за рамномерно финансирање по региони

Ана Ололовска

Азербејџанскиот милијардер Исмаилов доби азил во Црна Гора

Столтенберг за стравот на Ескобар за кредибилноста на црногорската Влада: НАТО има строги протоколи за споделување инфромации

Уапсен поранешниот директор за национална безбедност на Црна Гора

Ана Ололовска

Ковид-19: Се зголемува смртноста кај младите невакцинирани пациенти во Црна Гора

Ана Ололовска

Странски државјани вложиле 524,44 милиони евра во Црна Гора