Грчкиот композитор Евангелос Одисеас Папатанасиј, попознат како Вангелис, почина на 79-годишна возраст, објави Атинската новинска агенција.
Тој е најпознат по оскаровскатаа награда за музика за филмот „Огнени кочии“, а компонираше многу препознатливи филмски мелодии за познати остварувања, како „Истребувач“ ( Blade Runner) и „Александар“.
Професионалната музичка кариера ја започна во 60-тите години на минатиот век, соработувајќи со неколку познати рок бендови како The Forminx, Aphrodite’s Child, со Демис Русос и Лукас Сидерас.
За време на кариерата напиша и компонираше околу 60 албуми, а музичките критичари го сметаат за еден од најголемите композитори на електронска музика на сите времиња.
Во 1992 година, Франција му додели на Вангелис Орден за придонес во областа на уметноста – Ordre des Arts et des Lettres.
Wow, an icon leaves us. Farewell Vangelis, who changed an entire era of music, and has subsequently been rediscovered a few decades later by a whole new crop. What a legacyhttps://t.co/p7t5Q0Pmr7
— Austin Wintory (@awintory) May 19, 2022
Повикувајќи се на соопштение од канцеларијата на неговиот адвокат, грчката агенција ја информира јавноста дека Вангелис починал во вторникот доцна навечер, без да ја наведе причината за смртта, пренесе Ројтерс.