Основачот и претседател на МК Груп, Миодраг Костиќ (1959-2024), почина денеска, 13 ноември, соопшти МК Груп.
„Со голема тага ве известуваме дека почина Миодраг Костиќ, основачот и претседател на МК Груп“, се вели во соопштението. Во текот на својата 40-годишна активна професионална кариера, Костиќ го создаде еден од најголемите деловни системи во регионот, што му го донесе меѓународниот статус на еден од највлијателните лидери и најуспешни бизнисмени во Југоисточна Европа, се вели во соопштението на МК Груп.
Во текот на својата кариера, како што се наведува во соопштението, Миодраг Костиќ постигна голем успех и пионерски потфати во земјоделството, туризмот, енергетиката и банкарството, позиционирајќи ги своите компании како лидери во овие сектори.