Српскиот театарски, телевизиски и филмски актер Ненад Ненадовиќ почина на 57 -годишна возраст, објави Танјуг.
Според пишувањата на српските медиуми, Ненад Ненадовиќ бил примен во болница пред неколку дена поради компликации предизвикани од Ковид -19.
Српскиот уметник Ненад Ненадовиќ е роден во Белград на 20 октомври 1964 година.
Тој се запозна со актерската професија како момче кога играше во Вага за точно мерење. Потоа следеа улоги во серијата Враќање на отпишаните, филмот Бошко Буха.
Тој, исто така, сакаше да работи на телевизија, па затоа беше среќен што беше член на тимот на Зоотека, Пет-шоуто, Фазони и фори.
Бил постојан член на ансамблот на театарот „Бошко Буха“.
Зад себе ги остави сопругата Снежана и ќерките Јана и Мина.