Почина шестнаесетгодишна девојка од Ужице која четири месеци се бореше со Ковид-19 и беше на респиратор во Институтот за мајки и деца „Др. Вукан Чупиќ.
„По четири месеци макотрпна борба на лекарите, девојчето за жал почина. Дадовме се од себе и повеќе од тоа и на сите ни е многу жал“, велат од оваа институција.
Епидемиолошката состојба во Србија овие денови е значително влошена.
Претходните денови беше евидентиран рекорден број новозаболени, поради што денеска Кризниот штаб одржа состанок за можно воведување на нови мерки.