Претседателот на хрватскиот Сабор Борис Шпрем, почина во 57 година од животот рано утрово по долга исцрпувачка борба со болест во MD Anderson Cancer Center во Хјустон, каде замина на лекување.
Како што соопшти хрватскиот сабор, тој боледуваше од малиген облик на мултипла миелома, но и по интензивната терапија, болеста прогресирала.
Шпрем, годинава беше опериран во болницата во Загреб, поради враќање на мултиплата миелома, а поради влошување на состојбата замина на лечење на САД.
Борис Шпрем е актуелен претседател на седмиот хрватски состав на саборот. Роден е на 14 април 1956 година во Копривнички Бреги. Татко е и сопруг. Со сопругата Јасенка има еден син, Дамјан.