Пленковиќ: Проширувањето на ЕУ повторно е ставено на дневен ред

Од:

Хрватскиот премиер Андреј Пленковиќ пред неформалната вечера за лидерите на Западен Балкан, истакна дека прашањето за проширување и поддршка на Европска Унија за земјите од регионот повторно е ставено на дневен ред.

Тој одговарајќи на новинарско прашање дали ќе се разгледуваат теми како што е ситуацијата во Црна Гора, во Косово и во Босна и Херцеговина, истакна дека тоа е пријателска вечера и оти е најважно да се дојде до договор за отпочнување на преговори со Северна Македонија и со Албанија, но оти и другите теми се добредојдени.

Хрватскиот претседател додаде дека вечерашниот состанок во Брисел е заедничка подготовка за Самитот на ЕУ во Загреб, што ќе се одржи на 6 и 7 мај.

“Атмосферата е поинаква во однос на октомври минатата година и се движи кон донесување позитивни одлуки за отпочнување на преговори со Северна Македонија и со Албанија, што треба да биде направено пред мај.

Така атмосферата ќе биде попозитивна и земјите ќе добијат од Европската комисија пакет за инвестиции и нивно подобро позиционирање, што ќе придонесе за економскиот развој на земјите во регионот”, посочи Пленковиќ.

Би можело да ве интересира

Бугарската телеграфска агенција предлага балканските агенции да формираат „Балканска соба за вести“

А1он

Годишната инфлација се забрза во август во 26 земји од ЕУ

А1он

Прв американско-црногорски економски дијалог: САД го поддржуваат влезот на Црна Гора во ЕУ

А1он

Милановиќ и Ѓукановиќ: Црна Гора е заложник на незаинтересираноста на ЕУ

А1он

Поддршка од Словенија за ЕУ перспективата на Западен Балкан, останатите земји од регионот подготвени да учествуваат во дијалогот за иднината на Европа

А1он

ЕУ собра пет милијарди евра на првата аукција на заеднички должнички хартии од вредност

А1он