Пленковиќ најавува просечна плата од 1.000 евра во Хрватска до крајот на мандатот

Од:

Хрватскиот мандатар Андреј Пленковиќ денеска соопшти дека новата влада ќе ги исполни ветувањата за раст на просечната и минималната плата и дека просечната плата во таа земја за четири години ќе биде 7.600 куни (1.010 евра).

-За четири години од денеска ветувам просечна плата од 7.600 куни, рече Пленковиќ во хрватскиот Сабор, одговарајќи на забелешките на пратениците.

Тој додаде дека во претходниот мандат минималната плата беше зголемена за 754 куни (околу 100 евра) и најави дека минималната плата во наредните четири години ќе изнесува најмалку 4.250 куни (565 евра).

Пленковиќ додаде дека најавата за создавање 100.000 работни места во текот на следните четири години не е случајна и се темели на резултатите од работата на неговата влада во текот на изминатите четири години.

-Оваа бројка не е вклучена во програмата на новата влада како плод на безделничарење во слободно време, туку врз основа на резултатите од првиот, четиригодишен мандат на мојата влада, а тоа се 110.000 работни места што ги создадовме, им рече Пленковиќ на опозициските пратеници, кои ја доведоа во прашање реалноста на оваа најава.

Би можело да ве интересира

Просечната плата во јануари 39 542 денари

Пленковиќ: Милановиќ продолжува со циркусот, маските паднаа

Пред неколку години четвртина бурек со јогурт беше 50, сега е 120 денари, Мицковски до СДСМ за просечната плата

40 илјади денари е просечната плата во земјава пресмета Статистика

Просечната плата за ноември е 38.359 денари

Катерина Ѓуровски

Просечната плата во октомври 38.843 денари