Владата на Косово и Меѓународната цивилна канцеларија изработија план според кој на мнозинското српско население на северот на Косово им се нуди самостојност во полицијата и во судот пренесува приштинскиот весник „Коха Диторе“.
Како прв конкретен чекор се најавува отворање на администѕративни канцеларии за северот на Косово, а планот предвидува уште неколку акции кои во иднина ќе бидат изведени.
Локални избори со отворени списоци и по систем по кој за претседател на општината ќе се гласа одвоено од останатите кандидати за собрание, инвестиции во инфраструктурата и создавање можност Судот во Косовска Митровица да бисе составен од српски судии од Косово, се само некои од планираните активности.
Планот поаѓа од ставот дека Србите на Косово нема да ја прифатат независноста на Косово.
„Косовските Срби нема да ја признаат косовскара реалност, но ќе се прилагодат“, се наведува во планот во кој се објаснува дека косовската влада со помош на меѓународните актери треба да ја замени таа реалност поради добото на граѓаните, се наведува во документот.