Петмина пратеници утринава се повредени во тепачка која се случи во турскиот Парламент, при што се фрлале столици, а народните избраници меѓусебе се удирале со чеканчето и ѕвончето кои ги користи претседателот на Собранието за време на седниците.
Инцидентот избил рано изутринава откако опозициските пратеници се обиделе да го одложат почетокот на дебатата за спорниот предлог-закон за безбедност, со кој на полицијата би и се дале поголеми овластувања при претреси и апсења.
Пратеникот на прокурдската партија, Ертугрул Куркчу изјави дека за време на физичката пресметка во просторијата летале столици, а двајца пратеника биле удрени со чеканчето и ѕвончето, по што се пренесени во болница.
На Куркчу и уште двајца пратеника им била дадена помош во амбулантата во зградата на Парламентот.