Петков: Ќе има нови министри во следната влада на „Промените продолжуваат”

Од:

Не е време да се кажам кои ќе бидат новите министри, кога претседателот на Бугарија Румен Радев, ќе и го додели мандатот на „Промените продолжуваат“, изјави за Нова ТВ премиерот во оставка Кирил Петков.

Според Петков, јавува дописникот на МИА од Софија, нема подобар вицепремиер и министер за финансии на Бугарија од Асен Василев, кој ги фатил обидите за кражба на пари од досегашниот министер за регионален развој Гроздан Караџов, кој е од партијата на Слави Трифонов.

Петков кажа дека неговата партија ќе испрати покана до сите пратеници од партијата на Слави Трифонов „Има таков народ“ и ќе ја претстави својата програма за следните шест месеци и за една година. Според него, ако успеат да соберат 121 пратеник, Бугарија за првпат ќе има независна влада и задкусните игри нема да може да влијаат на нејзините активности, како што беше случајот со партијата „Има таков народ“.

Бугарскиот претседател Румен Радев ниту еднаш не и помогнал на владата и постојано ја критикувал, коментира Петков.

-Радев немаше конструктивна улога ниту на темата Северна Македонија, дециден беше Кирил Петков.

Премиерот во оставка коментираше дека не го разбира Радев и дека за вакви важни национални прашања сите требало да седнат и да одлучат што да прават по ова важно прашање, бидејќи имало многу добар предлог од француското претседателство со ЕУ, кој ги штити интересите на Бугарија.

-Дали ГЕРБ и Бојко Борисов ќе се вратат на власт во Бугарија зависи од луѓето на улица и гласачите во неа, коментира Кирил Петков.

Извор: МИА

Би можело да ве интересира

Петков го повика Ковачевски да прифати компромис

А1он

Петков: Во понеделник ќе поднесам оставка од функцијата премиер на Бугарија

А1он

Кирил Петков: Нема изгледи за укинување на ветото на овој самит

Орце Костов

Петков одново ќе биде кандидат на „Продолжуваме со промената“ за нов премиер, тврдат бугарски медиуми

А1он

Бугарскиот Парламент изгласа недоверба на Владата на Кирил Петков

А1он

Петков: Се надевам дека утре нема да има проблеми на протестите пред бугарскиот Парламент

А1он