Петков и Руте разговараа за сите теми од дијалогот со ЕУ

Од:

Бугарскиот премиер Кирил Петков во разговор со неговиот холандски колега Марк Руте рече дека Бугарија се придржува до договорот со Гаспром, но кога овој договор еднострано се раскинува, тогаш Бугарија вели не и нема да се согласи на еднострано менување на овој договор.

Бугарија многу придонесе за запирање на паричните текови на (рускиот претседател Владимир) Путин и очекува разбирање дека не можеме истовремено да одиме од 95 отсто на нула во гасот и да воведеме ембарго на единствената рафинерија во земјата која за жал работи само со мешавина од нафта од типот Урал, јави дописникот на МИА од Софија.

Бугарија ќе сака да биде дел од исклучоците додека не ги направи другите инфраструктурни енергетски можности да има нафтовод од Грција, додаде бугарскиот премиер.

Во однос на Република Северна Македонија, бугарскиот премиер Кирил Петков рече дека се работи за „конкретни чекори заедно да се изодат по овој пат и тоа не е функција на какви било календари или очекувања, туку функција на заедничка работа што треба да се направи заедно, што и го правиме“. Бугарската влада ќе ја достави темата до бугарскиот парламент и се надева дека во блиска иднина ќе има напредок на оваа тема и дека европската иднина на Република Северна Македонија ќе стане реалност.

– За Шенген, бугарската влада има силна задача да ја елиминира корупцијата, да го подигне нивото на бугарските институции, ова е најбезбедниот пат за Бугарија до Шенген и Марк ме увери дека тоа е патот, рече Кирел Петков.

Премиерот на Холандија Марк Руте изјави дека премиерот на Бугарија се бори против корупцијата, ја модернизира земјата. – Ние ќе бидеме партнери и навистина сакаме да соработуваме во економијата, во зелената економија, еко-културата, ќе имаме трговски мисии во Бугарија, вклучувајќи го и овој фонд што сакаме да го создадеме, ќе има соработка меѓу универзитетите, додаде Руте.

Двајцата разговараа и за војната во Украина. Холандија досега и помага на Бугарија со ловците Ф-35 и важно е да се биде рамо до рамо, бидејќи со заканата од Русија мора да се справиме заедно на ниво на ЕУ и НАТО, рече Руте. Обединети сме, а поделени ќе бидеме поразени, додаде тој. Имате пријатели насекаде низ Европа, не сте сами и нашата поддршка е за Бугарија, изјави премиерот на Холандија Марк Руте.

Извор: МИА

Би можело да ве интересира

Петков: Скопје има избор за сопствената иднина, Брисел ги поддржа бугарските позиции

Катерина Павлова-Николовска

Петков го повика Ковачевски да прифати компромис

А1он

Рама телефонски разговарал со Борисов за решавање на прашањето на бугарското малцинство во Албанија

Ана Ололовска

Бугарското собрание го усвои францускиот предлог и формула дека не постои македонски јазик

Орце Костов

Рама му одговори на бугарското МНР: Пријатели смирете се – тргнете го ветото или бидете трпеливи со мене!

Ана Ололовска

Бугарското МНР остро реагира на изјавата на албанскиот премиер Рама

Ана Ололовска