Павлопулос: Грција е подготвена да ги поддржи земјите од регионот на нивниот европски пат

Од:

Грција е подготвена да ги поддржи оние држави од нашиот регион што се уште не се членки на Европската унија со цел да се забрза нивната европска перспектива, рече грчкиот претседател Прокопис Павлопулос на почетокот на средбата со неговиот српски колега Александар Вучиќ, говорејќи за ЕУ иднината на регионот, јави дописничката на МИА од Атина.

Павлопулос истакна дека за оваа поддршка земјите кандидати потребно е да ги исполнат и очигледните предуслови, односно целосно усогласување со европското законодавство и решавање на билатералните прашања.

-Во однос на нашиот регион, Грција јасно е за формирање на цврст југоисточен столб на Европската унија, кој го остава зад себе Балканот на војни, на поделби и на конфронтации, а државите работат заедно за Европска интеграција. Ова значи дека Грција е подготвена да ги поддржи оние држави од нашиот регион што се уште не се членки на Европската унија со цел да се забрза нивната европска перспектива, под двата предуслови што се подразбираат, рече грчкиот претседател.

Паралелно Павлопулос говорејќи за Меморандумот меѓу Турција и Либија рече дека не е само нелегален, туку и институционално непостоечки.

Во однос на грчко – српските односи, изрази целосна поддршка за ЕУ перспективата на Белград.

Претседателот на Србија од негова страна, рече дека двете земји имаат одлични билатерални односи.

-Ние ѝ се заблагодаруваме на Грција за поддршката за територијалиот интегритет на Србија. Големо благодарам за тоа. И Србија секогаш ќе го поддржува територијалниот интегритет на Грција. Ние сме потписници на Конвенцијата за морското право и во тој контекст, во секоја прилика, на секое место во светот ќе го поддржуваме интегритетот на Грција како што беше случај и со Кипар, така и сега, нашата позиција нема да се смени во иднина, рече српскиот претседател на почетокот на средбата со неговиот грчки колега.

Би можело да ве интересира

Се вжештува атмосферата меѓу Грција и Турција, Мицотакис побара итен самит на ЕУ

Горјан Грнчаровски

Скоро 1.000 нови активни случаи на Ковид-19 во Грција за само една недела

А1он

Грција го ограничува работното време на угостителските објекти

А1он

Децата во Србија ќе одат на училиште со скратени часови

Истрага на грчкото Обвинителство за поплавите на Евија

А1он

Грција упати демарш до Турција околу сеизмичките истражувања во Медитеранот

А1он