Партиите во Албанија не се договорија за изборната реформа

Од:

Политичките партии во Албанија не успеаја да постигнат консензус за изборната реформа,за што краен рок беше 31 мај, што самите си го зададоа.

По повеќечасовна расправа, на која ѝ претходеа одвоени средби со странските дипломати и ветувања дека договорот за изборната реформа ќе го заокружат до синоќа до 24 часот, тоа не се случи.

Најавено е, сепак, дека ќе продолжат средбите на Политичкиот совет, во кој членуваат претставнци од владејачкото мнозинство, парламентарната и вонпарламентарната опозиција.

-Опозицијата понуди консензус. Но Социјалистичката партија не е подготвена за него, зашто што сака да спроведе избори како оние од 30 јуни. Опозицијата не се откажува од гаранцијата за слободно даден глас. Подготвени сме да продолжиме со работата на Советот и очекуваме СП да го направи првиот чекор, изјави Оерд Булукбаши, претставник на вонпарламентарната опозициска Демократска партија.

Тој обвини дека сите напори на Социјалистичката партија е да ги задржи привилегиите и да не се откажува од комисиите и контролата врз Централната изборна комисија.

За претставникот на опозициското Социјалистичко движење за интеграција, Петрит Васили, изборната реформа не е прашање на политички пазарење, туку процес на гарантирање на слободни и демократски избори.

Засега нема коментар од владејачката СП за непостигнување консензуз околу ова прашање, кое е еден од 15-те услови за почеток на преговорите со ЕУ.

Според албанските медиуми, една од главните точки, за која партиите не можеле да се согласат, е предлогот на опозицијата да се избира техничка влада 100 дена пред избори.

Шефот на државата, Илир Мета, вчера ги повика партиите да го исполнат ветувањето за консензус и да ја усогласат изборната реформа и побара народот да го избира и претседателот на државата на непосредни избори.

Би можело да ве интересира

Во Албанија од Ковид-19 почина уште еден лекар

Ана Ололовска

Мажите во Албанија живеат пократко и емигрираат повеќе во однос на жените

А1он

Во Албанија заразени 110 деца со Ковид-19, најмалото е едномесечно бебе

А1он

Хоти и Рама на средбата во Тирана се договорија за три стратешки проекти

А1он

Албанија ќе биде потпретседател на 75-та седница на Генералното собрание на ОН

Ана Ололовска

Се намалува бројот на новозаразени од коронавирус во Албанија

А1он