Паролин: Ватикан се залага за еднаквост на народите во БиХ

Од:

Државниот секретар на Светата столица, Пјетро Паролин денеска изјави дека Ватикан дава голема важност на почитувањето на еднаквоста на трите народи во Босна и Херцеговина.

dobivaj vesti na viber

Паролин на прес-конференција по состанокот со премиерот Андреј Пленковиќ, за време на својата трета официјална посета на Хрватска, изјави дека „мисијата и посветеноста“ на Ватикан се секогаш да се залага за признавање на еднаквоста на трите народи во БиХ.

– Сакаме тоа да биде реалност. Тоа е наша желба и обврска, појасни тој.

Паролин додаде дека Ватикан мора да продолжи да ја „нагласува опасноста од ситуацијата во БиХ на меѓународната заедница и последиците што може да произлезат врз стабилноста на државата и регионот“.

Тој во Загреб пристигна вчера, по повод 30-годишнина од признавањето на Хрватска од страна на Ватикан и воспоставувањето дипломатски односи и 25-годишнината од договорот меѓу Хрватска и Ватикан.

– Ватикан играше значајна улога во меѓународното признавање на Хрватска, затоа што беше меѓу првите држави што го направија тоа, потоа ги поттикна и другите земји на ваква одлука, изјави тој.

Светата столица ја призна Хрватска на 13 јануари 1992 година.

Тој треба да има средба и со претседателот, Зоран Милановиќ.

Извор: МИА

Би можело да ве интересира

Во Хрватска се зголемува бројот на новозаразени со Ковид-19

А1он

(ВИДЕО) Симнато српското знаме: Не можеле да се напијат кафе и да го гледаат

Предраг Петровиќ

Се урна спортски авион на хрватскиот остров Брач

Ана Ололовска

Рекордна инфлација од 14,4 отсто во Босна и Херцеговина

Ана Ололовска

Шести економски форум на БиХ, главен фокус на целите за одржлив развој

Ана Ололовска

Уставниот суд на БиХ ги поништи одлуките на Парламентот на РС за пренесување на надлежностите на ниво на ентитети

А1он