Словенечкиот парламент на вонредна седница го ратификува протоколот за членство на нашата земја во НАТО, пренесуваат тамошните медиуми. Пред гласањето, пред пратениците се обрати и претседателот на македонското Собрание, Талат Џафери, кој порача дека меѓу двете држави нема отворени прашања.
Протоколот доби зелено светло со 72 гласа „за“ и 12 „против“, од присутните пратеници во Собранието.
Претседателот на македонското Собрание, утре, како што најавија од неговиот кабинет ќе присуствува и на ратификацијата на протоклот за членство на Македонија во НАТО и во албанскиот Парламент.