Парламентот на Црна Гора утре избира нова влада

Од:

Во Подгорица утре ќе се одржи парламентарна седница, на која на дневен ред е изборот на 42-та црногорска влада, предложена од мандатарот Здравко Кривокапиќ.

Кривокапиќ вчера достави експозе до парламентот во кое, на 51 страница, наведе дека приоритети на идната влада се борбата против корупцијата и криминалот, правдата и еднаквоста, добрососедските односи, обезбедување фер услови на избори, намалување на јавната потрошувачка, создавање јавна доверба и целосна транспарентност во работата на државната администрација.

Во експозето се наведува дека меѓу приоритетите се и мерките за закрепнување на економијата и поддршка на економијата по пандемијата на коронавирусот.

Кривокапиќ оцени дека ситуацијата тој и неговите 12 министри со право може да се наречат еден вид „државен удар“.

– Владата во заминување примени и го спроведува сценариото на изгорена земја за да ни ја отежне работата уште повеќе, но тоа не нè поколеба и свесни сме дека сегашната криза може да се надмине само преку реформи, фер и домаќинско управување, знаење и постојана работа за зајакнување на економијата и подобрување владеење на правото, изјави меѓу другото Кривокапиќ.

Новата црногорска влада ќе има еден потпретседател, лидерот на УРА, Дритан Абазовиќ и 12 министри.

Би можело да ве интересира

Полициска рација во просториите на црногорската Агенција за сузбивање на корупцијата

Инцидент во Бар: Со нож го нападнал сопствениот брат, уапсен е за обид за убиство

Во престрелка во Црна Гора е убиен 29-годишен маж

Горан Наумовски

По силниот, уште два помали земјотреси ја погодија Црна Гора: „Силно се почувствува во Никшиќ“

Горан Наумовски

Силен земјотрес во Црна Гора

Нов земјотрес e регистриран во Црна Гора