Панајотопулос: Грција веднаш ќе го започне процесот за набавка на Ф-35 од САД

Од:

Министерот за одбрана на Грција Никос Панајотопулос соопшти дека веднаш ќе започне процесот за набавка на американски воени авиони Ф-35, нешто што го најави грчкиот премиер Кирјакос Мицотакис за време на неговата посета на САД, јави дописничката на МИА од Атина.

Панајотопулос, на средбата со членови на програмата за воените авиони Ф-35, на која присуствувал и американскиот амбасадор во Атина Џорџ Цунис, истакнал дека Генералштабовите ќе ги преземат потребните активности во рамки на досегашната процедура за набавка на одбранбена опрема и било потенцирано дека „набавката на авионите Ф-35, што дополнително ќе ја зајакне способноста на земјата и интероперабилноста на вооружените сили на Грција и САД, го одразува стратешкото ниво на билатералните одбранбени односи“.

Американскиот амбасадор преку „Твитер“ коментираше дека „авионите ќе ги зајакнат одбранбените капацитети на Грција, ќе ја продлабочат американско- грчката и НАТО интероперабилност, обезбедувајќи регионална стабилност“.

Извор: МИА

Би можело да ве интересира

Ердоган: Грчките безбедносни сили прогонуваат, ограбуваат, тепаат, па дури и убиваат бегалци

Исчезнати четири и спасени над 100 лица во близина на грчкиот остров Дилос

Ана Ололовска

Грција и Кипар по над 20 години одново се поврзуваат со редовна бродска линија

Ана Ололовска

Пожар на грчкиот остров Евија

Ана Ололовска

Парада на гордоста во Атина – една од помасовните во изминатите години

Ана Ололовска

Кипар ќе добие од Грција владин авион

А1он