Пахор: Словенија е наклонета кон БиХ

Од:

Членовите на Претседателството на БиХ Жељко Комшиќ, Шафик Џаферовиќ и Милорад Додик се сретнаа денеска во Љубљана со словенечкиот претседател Борут Пахор кој истакна дека станува збор за две пријателски земји и дека Словенија е наклонета кон БиХ.

Зборувајќи за евроатлантските интеграции, Пахор рече дека БиХ е клучна земја.

– Ако Европа, поради своите внатрешни проблеми, доцни со проширувањето, тогаш и таа територија ќе задоцни – не само во зачувувањето на мирот, туку и во напредокот – што е желба и на ЕУ и на државите во регионот. Во таа смисла БиХ е клучна, оцени Пахор.

Тој истакна дека во таа смисла европската политика погреши во однос на Северна Македонија и не се држеше до ветувањето што го даде на таа држава.

– Направија огромни промени, исполнија сè, ги исполнија очекувањата и не добија зелено светло за преговори, истакна словенечкиот претседател.

Што се однесува на билатералните односи меѓу Словенија и БиХ, Пахор рече дека бројките укажуваат на одлична економска соработка во износ од 1,4 милијарди евра стокова размена и износот расте.

– БиХ е трета дестинација за инвестиции на словенечките фирми во странство, а во таа земја имаме над 100 претпријатија. Ние Словенците имаме доверба во иднината на БиХ. Таму живеат три народи, наша блиска држава и пријателска, и би сакале тие односи уште повеќе да се подобрат. Речиси илјада ученици и студенти од БиХ добиваат стипендии во Словенија. Ме радува што сте дошле сите тројца, бидејќи е можност за продолжување на интензивните политички, економски и човечки односи. Ќе сториме сè во наша моќ за да го зачуваме мирот на овие простори, потенцираше Пахор.

Би можело да ве интересира

Словенечката владејачка Партија на пензионерите бара од својата претседателка да поднесе оставка

А1он

Босанскиот премиер Новалиќ: Згрешивме кога прогласивме победа над короната

А1он

Изетбеговиќ: Ако Србија го признае Косово, би се отвориле апетитите за Босна и Херцеговина

А1он

Во Словенија лекуваат Ковид-19 со ремдесивир, фавипивавир и дексаметазон

А1он

Во Австрија и Словенија паѓал град со големина на јаболко

Ана Ололовска

Босанскиот министер за прашања на борците почина од Ковид-19

Ана Ололовска