Пахор: Слаба ЕУ нема да се прошири кон Западен Балкан

Од:

Слаба ЕУ нема да се прошири кон Западен Балкан, изјави словенечкиот претседател Борут Бахор на стратешкиот форум на Блед и предупреди дека моменталниот застој во кој се најде ЕУ ќе се претвори во криза доколку преовладеат националистичките политики.

Британскиот весник „Експрес“, повикувајќи се на агенцијата Нова информира дека Пахор рекол оти ЕУ е ослабена со Брегзит и „можеби ќе мора да ги одложи плановите за проширување кон Западен Балкан“.

Обраќајќи се во присуство на главниот европски преговарач за Брегзит Мишел Барние, Пахор рече дека Унијата не може да се надева на прием на Србија, Црна Гора и Албанија како нови членки во сегашната состојба.

– Се е поврзано и поминуваме низ период во кој ќе мора да се донесат тешки одлуки, ги пренесува „Експрес“ зборовите на Пахор.

Во исто време, агенцијата СТА информира дека Пахор рекол оти Брегзит покажал дека ЕУ е во застој и тоа прашање е поврзано со проширувањето на ЕУ кон Западен Балкан. Тој сепак истакна дека Словенија е заинтересирана напорите за прием на нови члкенки да бидат успешни.

Пахор објасни дека застојот не значи дека времето стои и оти ЕУ е во некој вид на замрзната состојба, туку спротивно – дека се соочува со се помасовно враќање на национални политики.

Словенечкиот претседател рече и дека застојот во институционалната, политичката, економската и другите облици на интеграција ги зајакнува националистичките политики.

– Изгледа дека во овој момент оние од нас кои веруваат во силна ЕУ немаат јасна визија. Меѓутоа алтернативата делува појасно – обновување на моќта на државите членки, рече Пахор.

Би можело да ве интересира

Словенечкиот Парламент отфрли воведување казна за „недолично однесување“

А1он

Словенците преговараат со „Новартис“ за производство на вакцини против Ковид-19

А1он

Луксембург има најмногу автомобили по жител во Европската Унија

А1он

Варвициотис: ЕУ да биде доследна и кредибилна во обврските кон Западен Балкан

А1он

Борел во Њујорк организираше вечера за лидерите од Западен Балкан

Македонија најбезбедна земја на Западен Балкан

Катерина Павлова-Николовска