Пахор повторно побара да се зголемат овластувањата на армијата

Од:

Словенечкиот претседател, Борут Пахор, кој заедно со министерот за внатрешни работи, Алеш Хојс, и за одбрана, Матеј Тонин, беше во посета на јужната граница кон Хрватска, изјави дека треба повторно да се разгледа можноста од давањето поголеми овластувања на армијата со цел заштита на границата.

Како што јави дописникот на МИА од Љубљана, првиот обид да се активира членот 37 од Законот за одбрана, со кој армијата ќе добиеше дополнителни овластувања, пропадна, откако немаше доволен број пратеници кои го поддржаа предлогот.

– Аргументите за активирање можеби не беа доволно убедливи. Во Собранието може доминира мислење дека Владата сака да ја искористи состојбата со епидемијата за други цели. Но, факт е дека и армијата се согласува да добие поголеми овластувања, изјави Пахор.

Целта на Владата е да ѝ даде на армијата поголеми овластувања со цел заштита на јужната граница, што е под притисок од нелегалната миграција, бидејќи полицијата се повлекува во внатрешноста на земјата поради спроведување на мерките за ограничување на движењето поради новиот коронавирус.

Би можело да ве интересира

Трудо им порача на Канаѓаните дека им е потребна влада која верува во науката

Ана Ололовска

Руски научник: При настинка е невозможно заразување со коронавирус

Ана Ололовска

ВИДЕО: Стотици уапсени за време на протести против анти-ковид мерките во Австралија

Мери Јордановска

Комисија на ФДА препорача трета доза вакцина за постари лица и изложени на ризик

Мери Јордановска

Израел: Воени медицински тимови во домашна посета на болни од Ковид-19

А1он

Пет месеци по вакцинација со Синофарм антителата опаѓаат за 70 проценти

А1он