Стапката на невработеност во Бугарија минатиот месец изнесуваше 11,1 проценти, што е за 1,1 процентни поени помалку во однос на јануари 2014 година, соопшти денеска бугарската Агенција за вработување.
Како што јави БТА, во однос на декември 2014, стапката на невработеност во јануари годинава пораснала за 0,4 проценти поени, но според Агенцијата, тоа не претставува изнандѕвање имајќи предвид дека по традиција невработеноста секогаш расте во првиот месец од годината.
Причина за ваквиот раст е фактот што во јануари секогаш на Бирото за вработување се пријавуват лица чии договори за работа истекле на крајот на претходната година, а исто така истекуваат и договорите за субвенционираните вработувања.
Минатиот месец во Бирото за вработивање биле регистрирани 363.964 невработени, што е за 12.913 повеќе во однос на лани во декември, но и за 37.269 лица помалку споредно со јануари 2014 година.
Во јануари годинава се вработиле 22.005 лица, што е за 6.804 повеќе во однос на претходниот месец и за 5.313 повеќе во однос на истиот месец лани.