Отворање на автопатот од Ниш до бугарската граница на Коридор 10

Од:

Денеска во Србија на Источниот крак на Коридорот 10 се пушта во сообраќај делницата од Просек до Црвена Река, со вкупна должина од 22,5 километри, со што се заокружува изградбата на целиот источен крак од Димитровград до Ниш, долг 86 километри и 800 метри. Вкупната вредност на градбата на источниот крак се проценува на околу 476 милиони евра.

Овој дел од источниот крак, се смета за најтежок, бидејќи ја заобиколува Сичевачка клисура.

Со новиот автопат долг 86,8 километри од Ниш до граничниот премин Градина на српско-бугарската граница, ќе се патува за педесет минути.

На свеченото отворање присуствуваат српскиот претседател Александар Вучиќ, премиерката Ана Брнабиќ, бугарскиот премиер Бојко Борисов и членот на претседателството на БиХ, Милорад Додик.

На целиот источен крак од Ниш до Димитровград изградени се 87 мостови, пет тунели, пет сообраќајни јазли, 12,5 милиони кубни метри ископ, насипи од 9, 5 милиони кубни метри материјал и околу 780,000 тони асфалт.

Вкупната должина на целиот Коридор 10 во Србија е околу 813 километри, а нејзиниот источен крак од Ниш до Димитровград, долг е 86,9 километри.

Источниот крак на Коридорот 10 ја поврзува Србија со Бугарија, но исто така е важен и како транзитен коридор преку кој се одвива сообраќајот меѓу Централна Европа и Турција кон Блискиот исток.

Би можело да ве интересира

ВИДЕО: Во Белград нападнат Сергеј Трифуновиќ, лидер на Слободните граѓани и актер

Ана Ололовска

Вулин: Ако иконографите се неважни, што не се фотографирала Шекеринска и со кукаст крст

Ана Ололовска

Ѓилас и пиша на Брнабиќ: Вие ја спомнувате опозицијата само кога ја навредувате и лажете

Ана Ололовска

Дачиќ: Нема да има дијалог доколку Приштина не ја повлече одлуката за влез со документи со назнака Република Косово

Ана Ололовска

Жестоки критики во Србија поради предизборен спот на Вучиќ во кој се појавува малолетно девојче

А1он

Борел: ЕУ е за задржување на постојните граници на Србија и Косово

Ана Ололовска