Општ штрајк и протести во Грција

Од:

Под слоганите „Мерки за заштита на здравјето и приходите“; „Бесплатно здравство за сите“; „Дајте пари за здравството“, денеска во Атина се одржаа неколку одвоени собири, организирани од различни федерации и здруженија што учествуваат во генералниот 24-часовен штрајк на Синдикатот на вработените во државниот сектор во Грција.

Протестите беа мирни, со учество на мал број лица, кои се трудеа да ги одржуваат превентивните мерки за заштита од коронавирусот и сите носеа маски.

Во центарот на Атина, големо беше и присуството на полицијата, која од демонстрантите бараше да си заминат и да не одржуват протестен марш, со оглед на тоа дека земјата е во карантин и забранети се големи собири.

Сепак, дел од насобраните, членови на различни синдикати и здруженија, одржаа мал и мирен протестен марш.

Пред Министерството за здравство на Грција, мини протест, придржувајќи се до мерките, одржаа неколку членови и претседателот на Федерацијата на вработени во државните болници, на кои подоцна, им се придружија и оние кои се занимаваат со музика, театар, филм, опера, танц и слично, откако претходно направија обиколка на Атина со мотори.

Протест со мотори одржа и синдикатот на вработените во угостителството и туризмот, кои застанаа пред Министерството за труд.

Во денешниот штрајк учествуваат и новинарите, кои од 11 до 13 часот имаа двочасовен прекин со работа.

Атина денеска е без метро и трамвај, бродовите се закотвени на пристаништата, поради учеството во штрајкот на здруженија од грчката поморска федерација, а проблеми има и со летовите, со оглед на тоа дека Здружението на контролори на летање кои исто така штрајкуваат.

Генералниот штрајк е во време додека Грција е во карантин, а од Синдикатот на вработени во јавниот сектор, меѓу другото бараат, суштински мерки за заштита на здравјето на вработените на нивните работни места; вклучување на приватниот здравствен сектор во битката со пандемијата; вработување на неодредено време на медицински персонал; дополнителни вработувања во јавниот превоз, за да се зголеми возниот ред и да се намалат гужвите, како и зголемување на платите и враќање на 13 и 14-та плата за вработените во државниот сектор.

Би можело да ве интересира

Грците го преполнија центарот на Атина, редици пред продавниците

Ана Ололовска

Грција го продолжи карантинот за една недела, од 1 февруари се отвораат средните училишта

Жарко Настоски

800 килограми експлозивен материјал пронајдени на Закинтос

Жарко Настоски

Забраната за влез во Грција продолжена до 8 февруари

Земјотрес од 4,5 степени во близина на грчкиот остров Крит

Над еден отсто од населението во Грција ја примило вакцината против коронавирусот

Жарко Настоски