Опозицијата во Република Српска вечерва на протест против пристрасното известување на РТРС

Од:

Во организација на опозициските партии во Република Српска вечерва се одржува протестен собир на граѓани во близина на зградата на Радио и телевизија на Република Српска (РТРС) во Бања Лука, пренесува Анадолија.

Опозициските партии претходно најавија дека протестот се организира за да го изразат своето незадоволство од необјективното известување на јавниот сервис.

Јелена Тривиќева, која беше кандидатка за претседател на РС на општите избори одржани на 2 октомври, рече дека барањето до РТРС е објективно известување и „да запре со етикетирање на сите оние кои мислат поинаку од режимот”. Таа порача и дека протестите на опозицијата нема да престанат, а нивното барање е судството да функционира и да ги процесуира оние кои, како што таа тврди, учествувале во кражбите на изборите.

„И покрај негативната одлука на Судот и на ЦИК, борбата мора да продолжи”, објави денеска на социјалните мрежи Јелена Тривиќ, додавајќи дека ќе се бори против „коруптивното зло” и дека одговорните за изборната кражба на крајот ќе бидат казнети.

Централната изборна комисија на БиХ денеска ги потврди резултатите, а со тоа и изборот на Милорад Додик за претседател на Република Српска.

Би можело да ве интересира

Додик за „Заедницата на српски општини“ во Косово: Еден ден тоа ќе биде Република Српска

Ана Ололовска

Протестантите во Виена бараат укинување на санкциите против Русија

(ВИДЕО) Протест во Софија за заштита на правата на Бугарите во Македонија

Горан Наумовски

Нови протести во Франција против пензиската реформа

Се излеа реката Дрина, поплавени земјоделски површини и градска плажа

Ана Ололовска

(ВИДЕО) На демонстрациите во Шведска беше обесена куклата Ердоган, реагира Турција