Актуелниот српски член на Претседателството на БиХ, Милорад Додик, победи во трката за претседател на ентитетот Република Српска, но опозицијата, која претходно тврдеше дека нивниот кандидат Јелена Тривиќ победил, го обвини за кражба и побара повторување на изборите.
Заменик претседателот на Партијата за демократски напредок (ПДП) Милан Радовиќ, чиј кандидат за претседател на РС беше Тривиќ, рече дека СДС и ПДП ќе побараат пребројување на гласовите за претседател на Република Српска, Народното собрание на РС и Парламентарно собрание на БиХ.
„Записниците се препишуваат, за нашите кандидати се внесува 0, а членовите на избирачките одбори не смееле да ги сликаат записниците“, истакна Милан Радовиќ, пишува РТВБН.
„368 гласачи, СНСД доби 539 гласа“
На едно избирачко место, каде што се запишани 368 гласачи, СНСД доби 539 гласа“, рече Радовиќ.
Додик доцна во ноќта изјави дека неговата победа е убедлива и јасна, иако потврди дека ја изгубил довербата на мнозинството граѓани во областа Бања Лука.
Од ПДП тврдат дека таквиот исход е резултат на кражба.