Новиот сој на корона вирусот, кој Светската здравствена организација (СЗО) го нарече омикрон, официјално е регистриран во Хрватска.
Информацијата денеска ја потврди Институтот Руѓер Бошковиќ преку кусо соопштение.
Лице кое правело тест за корона изразило сомнеж за можност дека е заразено со омикрон, поради контактот со лице од Јужноафриканската Република.
На негово барање, примерокот е испратен на понатамошна обработка во Лабораторијата за напредна геномика на РБИ.
За резултатите се информирани Хрватскиот завод за јавно здравје и Министерството за здравство.