Под мотото „За кого ти бие срцето“, денеска во главниот град на Косово е одржана третата Парада на гордоста, на која учествуваа неколку стотици припадници на ЛГБТИ заедницата, нејзини поддржувачи и активисти на граѓанското општество.
Ленд Мустафа, еден од организаторите на парадата, изјави дека преку оваа манифестација уште еднаш се бараат основните права на заедницата, кои се гарантирани и со Уставот, но не се соодветно дефинирани со законите.
На годинешната парада учествуваа и американскиот амбасадор во Косово Филип Коснет, градоначалникот на Приштина Шпенд Ахмети, како и гости и поддржувачи на ЛГБТИ заедницата од Македонија, Србија и Албанија. Меѓу учесниците беше и истакнатиот активист за правата на оваа заедница од Тетово, Беким Асани.
Парадата беше обезбедувана од косовската полиција и, како и манифестациите од минатата и предминатата година, помина без ниту еден инцидент.