Од грчките острови Лезбос и Хиос пренесени 347 бегалци и мигранти во Атина

Од:

Со патнички ферибот, од островите Лезбос и Хиос, на атинското пристаниште, рано утрово беа пренесени 347 бегалци и мигранти, кои дополнително, со автобуси ќе бидат распределени во бегалските кампови во Грција, јави дописничката на МИА од Атина.

Од префрлените баратели на азил, 259 се од Лезбос, 88 од Хиос, а во текот на денот, со друг ферибот, во Атина ќе пристигнат уште 20 бегалци и мигранти од островот Кос и 18 од Лерос.

Префрлањето на бегалците и мигрантите од островите во други делови на Грција е во рамките на политиката на грчката Влада за справување со проблемот со пренатрупаност во прифатните центри на островите.

Заменикот министер под премиерот и владин портпарол, Стелиос Пецас, во вторникот, на редовниот брифинг со новинарите, изјави дека планот на Владата е околу 20.000 лица од островите да се пренесат во други делови на Грција, до крајот на месецов планирано е да се префрлат околу 4.000 бегалци и мигранти, а останатите 9.500 – 10.000 баратели на азил во периодот од декември до февруари.

Би можело да ве интересира

Тело на мртов маж најдено во Јанина, околу главата и нозете му биле врзани вреќи со ѓубре

Горан Наумовски

Се урна грчки борбен авион, пилотот е спасен

Свештеникот од Солун е осомничен дека ги оштетил верниците за повеќе од еден милион евра

30.000 луѓе на улиците во Грција на годишнината од страшната железничка несреќа, избувна нереди

Герапетритис: Потребно е доследно, строго и целосно почитување на Договорот од Преспа

Орце Костов

Земјотрес во Грција