Од грчката програма за домување заминуваат над 11.000 признати бегалци и лица кои немаат право на азил

Од:

Од грчкиот систем за прием и програмата за домување во хотели и станови, од понеделник ќе треба постепено да заминат 11.237 лица – признати бегалци и лица кои немаат право на азил, а паралелно се прекинува и секаков вид на парична или друга помош, согласно законите од Министерството за миграција и азил на Грција, а за конкретната тема станало збор на денешниот состанок свикан од министерот за миграција и азил на Грција Нотис Митаракис, јави дописничката на МИА од Атина.

Митаракис истакнал дека сите признати бегалци кои ја напуштаат програмата за домување се навремено информирани за конкретната одлука и објаснил дека според законот донесен во ноември, одредениот термин за заминување бил април, но поради пандемијата рокот бил продолжен до крајот на мај.

– Веќе нема време за дополнителни одложувања. Службите на нашето Министерство беа и се уште им се на располагање на сите инволвирани органи, со цел да се решат сите процедурални проблеми кои би можеле да се појават, рекол Митаракис.

Лица кои имаат право на меѓународна заштита од системот за прием, сега ќе треба да се интегрираат во општеството, а врз основа на законите и меѓународните обврски на Грција, тие имаат еднаков третман како и грчките граѓани.

За целиот процес на интеграција да тече непречено, предвидена е соработка на надлежните служби и органи.

Паралелно, со заминувањето на признатите бегалци од програмите за домување, ќе се ослободат места за сместување на барателите на азил кои што се наоѓаат на грчките острови.

На денешниот состанок свикан од министерот за миграција на азил на Грција, учествувале и генералните секретари на Министерството, шефот на Меѓународната организација за миграција во Грција, претставникот на УНХЦР во земјата, како и претставници на Европската комисија, на Министерството за внатрешни работи, на општина Атина и на Агенцијата за вработување и за социјална солидарност.

Би можело да ве интересира

На атинската ривиера почнува изградбата на еден од најголемите паркови и комплекси на Медитеранот

Ана Ололовска

Грчките острови повторно горат, големи пожари на Крит и Евија

А1он

Пецас: Секои две седмици ќе се ажурира листата со трети земји за влез во Грција

Ана Ололовска

Мицотакис: Нашата цел е да го достигнеме европскиот просек на кревети на интензивна нега

Ландов

На грчките аеродроми направени над 4.000 тестови за Ковид-19

Ана Ололовска

ВИДЕО: Голем пожар го зафати грчкиот остров Хиос, избегната евакуација

А1он