Во Хрватска, во моментов, над 80 отсто од сите јавни инвестиции и 8.306 приватни фирми се финансираат со неповратни средства од фондовите на Европската унија, соопшти хрватското Министерство за регионален развој и фондови на ЕУ.
Од влезот на земјата во ЕУ, Хрватска во заедничкиот буџет на Унијата уплатила 2,65 милијарди евра. Во истиот период Хрватска примила 4,6 милијарди евра, со што остварила плус од 1,94 милијарди евра, пренесува „Вечерњи лист“.
Кога станува збор за користењето на фондовите на ЕУ, на Хрватска и се на располагање вкупно 10,7 милијарди евра, а во овој момент се договорени 66 отсто алокации, распишани се 85 отсто од огласите, додека на корисниците им се исплатени 21 отсто од доделените средства.