Обвинетите Тачи, Красниќи, Сељими и Весели се во хашкиот притвор

Од:

Специјалното обвинителство на Косово соопшти дека во средата и вчера се уапсени Хашим Тачи, Кадри Весели, Реџеп Сељими и Јакуп Красниќи, кои од синоќа се пренесени во притвор на Специјализираните комори за Косово во судот во Хаг.

Поранешните високи припадници на ОВК вчера попладне, доброволно, со авион допатуваа во седиштето на судот во Хаг.

Во соопштението на Обвинителството се наведува дека судијата на претходна постапка на специјализираните совети на Косово на 26 октомври ги потврдил обвиненијата против сите четворица актуелни или поранешни косовски функционери, а поранешни членови на ОВК.

Во него се додава дека во согласност со Правилникот за постапување и доказите пред Специјализираните совети на Косово, во тој момент не било обелоденето обвинението, но дека сега се објавени сменетата верзија и налогот за апсење.

Информациите за датумот и времето на првото појавување на Хашим Тачи, Кадри Весели, Реџеп Сељими и Јакуп Красниќи пред судијата на претходна постапка ќе бидат објавени многу брзо.

Тачи вчера поднесе оставка од функцијата претседател на Косово.

Би можело да ве интересира

Првични резултати во Косово: Во 19 општини избран градоначалник во прв круг

ЦИК: На локалните избори во Косово излезноста е 42,85 отсто

А1он

Затворени гласачките места во Косово

А1он

Косовските лидери повикуваат да се излезе на гласање

Ана Ололовска

Османи: Во Србија е убиен Борис Тадиќ

А1он

Косово им понуди на САД да формираат постојана воена база на негова територија