ОБСЕ го поздрави ослободувањето на турските новинари

Од:

Претставникот на ОБСЕ за слобода на медиумите, Харлем Десир изрази задоволство поради тоа што Турција ги поништи казните за седуммината поранешни новинари на „Кумхуриет“.

– Го поздравувам ослободувањето на поранешните новинари на „Кумхуриет“, по одлуката на судот да ги отповика изречените казни. Јас долго време се залагав за нивно ослободување во разговорите со турските власти, изјави Десир.

Врховниот апелациски суд ги поништи казните и новинарите Муса Карт, Гуарај Оз, Хакан Кара, Ондер Челик и Мустафа Кемал Гунгор вчера се ослободени, се наведува во соопштението на ОБСЕ.

Како што се наведува, казните за новинарката Кадри Гурсел и адвокатот Булент Утк, кои претходно беа ослободени, се преиначени, но поранешниот сметководител на „Кумхуриет“, Емре Ипер остана во затвор.

– Повторно ги повикувам властите да ги пуштат сите останати новинари и медиумски работници кои се затворени поради својата работа, вклучувајќи го и Ипер, рече Десир.

Тој додаде дека новинарството не е злосторство и не треба да се третира како такво.

– Се надевам дека овој потег ќе биде искористен за обновување на медиумскиот плурализам во Турција, истакна Десир.

Би можело да ве интересира

Ердоган: Турција нема да се откаже од офанзивата во Сирија

ЕУ за забрана на извоз на оружје за Турција

Турција: Во операциите во Сирија досега убиени 550 терористи

Ана Ололовска

Песков: Москва не сака да размислува за евентуален воен судир со Турција во Сирија

Ана Ололовска

Ердоган: Нема да има проблеми поради договорот меѓу Курдите и Дамаск

Ана Ололовска

Хофер бара да не им се даваат австриски државјанства на Турците

Ана Ололовска