Новиот словенечки премиер ги избира своите соработници со помош на тестот Галуп

Од:

Новиот словенечки премиер Роберт Голоб го користи своето корпоративно искуство за избирање луѓе кои ќе преземат важни функции, па сите парламентарци од неговата партија морале да одговорат на 12 прашања од тестот Галуп, со кој во компаниите се мери ангажираноста и мотивацијата на вработените.

dobivaj vesti na viber

Станува збор за тест кој дава анализа на вредностите, со што се поттикнуваат позитивните страни на поединецот и се избегнуваат потенцијалните конфликти во групата, изјави за љубљанскиот весник „Дело“ претседателката на Парламентот, Уршка Клакочар Жупанчич од партијата на Голоб, „Движењето за слобода“.

Како и останатите четириесет пратеници избрани на листата за најсилната партија во Парламентот, Клакочар Жупанчич исто така одговарала на прашањата од тестот на Галуп Q12, од кои првото гласело: „Знаете ли што се очекува од вас на работното место?

Голоб, пред да влезе во политиката, го искористи тестот Галуп при изборот на своите соработници во време кога раководел со големата енергетска компанија GEN I.

Тој е вториот словенечки премиер кој своите претходни деловни искуства и методи на управување со човечки ресурси има намера да ги пренесе во политиката, наведува „Дело“.

Весникот додава дека такви методи за избор на соработници и тимови на водечки позиции првпат во словенечката политика ги вовел покојниот премиер и претседател Јанез Дрновшек, кој бил директор на филијала на Љубљанска банка и искусен економист пред да влезе во високата политика.

Би можело да ве интересира

Голоб предупреди на „информациска војна“ на Москва на Балканот

Голоб: Ја сакаме Хрватска во „Шенген“, но има проблеми во функционирањето на зоната

Словенечкиот парламент го потврди Роберт Голоб за премиер

Катерина Павлова-Николовска

Пахор со средба со Голоб ги почна консултациите за составот на новата словенечка влада

Словенечкиот Парламент веќе во среда би можел да гласа за нов премиер

Опциите на Голоб и Јанша водат на анкетите во Словенија за парламентарните избори во април