Нови осум случаи со коронавирус во Косово, заразени вкупно 71 лице

Од:

Националниот институт за јавно здравство на Косово (ИШПК) објави попладнево дека во земјата се откриени осум нови случаи на лица заразени со вирусот Ковид-19, по што официјалната бројка на носители на новиот коронавирус сега изнесува 71, јави дописникот на МИА од Приштина.

Според соопштението на ИШПК, четворица од лицата кај кои денеска е потврдено присуството на Ковид-19 се од село во општина Малишево, тројца се жители на Приштина и едно лице од општина Вучитрн.

Во текот на денешниот ден во лабораторијата за молекуларна миробиологија на ИШПК се испитани 34 примероци земени од лица хоспитализирани на Инфективната клиника на Клиничкиот и универзитетски центар на Косово и од терен.

Од 8 февруари, заклучно со денешнниот ден, тестирани се вкупно 766 примероци на лица за кои постоело сомневање дека се заразени од коронавирусот. Од нив, 71 случај резултираа со позитивен наод, додека едно лице, возрасен маж на 82-годишна возраст, почина, се вели во соопштението на ИШКП.

Би можело да ве интересира

За 13 дена во Грција изречени казни од над три милиони евра поради прекршување на забраната за движење

Ана Ололовска

Браун: Врвот на кризата допрва треба да дојде

Ана Ололовска

Состојба со Ковид-19 во светот до 13 часот

Ана Ололовска

Во Швајцарија 559 жртви од Ковид-19, 21.100 заразени

Ана Ололовска

Кина ќе има вакцина против Ковид-19 околу крајот на јуни

Ана Ололовска

Во карантин уште еден бегалски камп во Грција, потврден случај на Ковид-19

Ана Ололовска