Нови намалувања на рестрикциите во Грција, се отвораат градинките

Од:

Во рамките на олабавувањето на мерките во Грција, од денеска, под строги здравствени протоколи почнуваат со работа градинките во Грција.

Со оглед на тоа дека во градинките се деца до четиригодишна возраст, за нив, не е задолжителен ниту селф тест (како што е за учениците), ниту е задолжителна употребата на маска.

За разлика од децата, селф тестот и маската се задолжителни за воспитувачките и негователките.

Забавиштата, за деца од четири до шест години, се отворија минатата седмица, заедно со основните и средните училиште.

Од денеска, селф тестовите за учениците, наместо двапати седмично, задолжителни се само еднаш, односно учениците, секој понеделник, треба да имаат потврда за негативен тест за домашна употреба за да можат да ја следат наставата.

Селф тестот е задолжителен и за просветните работници, за вработените во јавниот сектор, во полицијата, противпожарната и крајбрежната служба, за судските службеници, како и за вработените во малопродажбата, угостителството, транспортот, службите за чистење, во фризерските и козметичките салони.

Би можело да ве интересира

Грчката полиција нема да ги апси просветните работници по тужби од родители кои не веруваат во Ковид-19

Во Грција секоја седмица ќе се објавуваат податоци за случаи на Ковид-19 кај учениците

Условите за влез во Грција за македонските граѓани остануваат исти уште една седмица

Катерина Павлова-Николовска

Во Грција влез во судовите само со ковид-пропусница

Катерина Павлова-Николовска

ВИДЕО: Полицијата со водени топови и со солзавец ги растеруваше демонстрантите против вакцинацијата во Солун

Катерина Павлова-Николовска

Инциденти на протестот против вакцината и задолжителната имунизација во Солун