Штабот за вонредни ситуации во Ниш донесе мерки против епидемијата од Ковид-19 и воведе задолжително носење маски.
Ограничено е собирањето до 100 лица во затворен и до 500 луѓе на отворен простор, ќе се отворат две нови ковид-амбуланти, ќе се забрани работата на затворените базени, спа и велнес центрите.
Во јавниот превоз ќе биде задолжително носењето на заштитна маска, исто како и во такси возилата и на пазарите.
Новите мерки ќе се применуваат од 4 до 19 јули, а нивното спроведување ќе го контролира комуналната полиција и инспекција.