Србија ќе има нови министерства за село, човекови права и семејство

Од:

Во српскиот парламент стигнат е Предлог-закон за министерства, кој предвидува Владата на Србија да добие уште три нови ресори – Министерство за човекови и малцински права и социјален дијалог, Министерство за семејна грижа и демографија, како и Министерството за грижа на селата.

Покрај новите, Владата на Србија ќе ги има веќе познати министерства: финансии, економија, земјоделство, шумарство и водостопанство, заштита на животната средина, градежништво, транспорт и инфраструктура, рударство и енергетика, трговија, туризам и телекомуникации.

Во Владата ќе бидат и Министерството за правда, државната администрација и локалната самоуправа, Министерството за внатрешни работи, Министерството за одбрана, за надворешни работи, Министерството за европски интеграции, како и министерствата за образование, здравство, млади и спорт, култура и информирање, за труд, вработување и социјални работи.

Предлог-законот го потпишаа 167 пратеници од пратеничката група „Александар Вучиќ за нашите деца“ на Српска напредна партија (СНС).

Собранието за нацрт-законот ќе расправа по итна постапка во сабота, на 24 октомври, за да може да се избере новата Влада, што е најавено за среда, на 28 октомври 2020 година.

Составот на новата Влада на Србија, треба да биде познат по седница на претседателството на СНС, која како што е најавено, ќе се одржи во недела.

Мандатар за составот на новата влада е досегашната премиерка Ана Брнабиќ, која ќе ја изршува и фукнцијата министер за надворешни работеи. Досегашниот шеф на дипломатијата Ивица Дачиќ вчера беше изгласан за претседател на највисокиот законодавен дом на Србија.

Би можело да ве интересира

Во Србија рекордни 8.000 заразени и 48 починати во последниот ден

Жарко Настоски

Хавиер Солана се залага за брз прием на Србија во ЕУ

Жарко Настоски

Објавена снимката од пукањето во поранешниот водач на навивачите на Партизан

Ана Ололовска

Руската вакцина против Ковид-19 пристигнува во Србија неделава, земјата е заинтересирана да ја произведува

Жарко Настоски

Рекорден број заразени во регионот, најмногу починати досега во Хрватска

Жарко Настоски

Подгорица ја поздравува одлуката на Белград, но српскиот амбасадор ќе остане протеран

Жарко Настоски