Нов нон-пејпер: Австрија и уште четири членки на ЕУ бараат Брисел посилно да го поддржи Западен Балкан

Од:

Четири земји од „Вишеградската група“ – Унгарија, Полска, Чешка и Словачка, како и Австрија, испратиле нов нон-пејпер до раководството на Европската унија, што се однесува на Западен Балкан.

Повикувајќи се на дипломатски извори, сараевскиот портал Кликс објави дека документот не се занимава со прашањето на границите, туку бара од Европската унија поголема поддршка за целиот Западен Балкан.

Министрите за надворешни работи на тие земји исто така бараат земјите и граѓаните на Западен Балкан да бидат вклучени во официјалните разговори за иднината на Европската унија, бидејќи, според нив, тие имаат право и треба да имаат можност да ги искажат своите ставови за иднината на Европската унија.

„Многу прецизно е наведено дека Западен Балкан треба да биде дел од иницијативата на Конференцијата за иднината на ЕУ, која беше започната во рамките на овој блок“, се вели во текстот, јави БЕТА.

Министерката за надворешни работи на БиХ, Бисера Турковиќ, ја потврди информацијата за нон-пејперот за локални медиуми, додавајќи дека е запозната со содржината што ја смета за исклучително важна и дека треба да се поздрави.

„Ние сме официјално запознати и среќна сум со ваквиот пристап. Босна и Херцеговина, како и другите земји во регионот, имаат јасна перспектива за членство“, нагласи Турковиќ.

Таа додаде дека „БиХ во суштина отсекогаш била дел од Европа“, и сега е „во процес на постигнување напредни европски стандарди во функционирањето и зајакнувањето на државата“.

„Желбата на овие пет земји (Вишеградска група и Австрија) да вклучат земји кои ќе станат членки во разговорите за иднината на ЕУ е важен сигнал дека нема да останеме да чекаме премногу долго за напредок кон членството. Истовремено, тоа е добро за ЕУ која без стабилен и европски Западен Балкан не е целосна“.

Иницијативата на групата држави, како што е најавено, треба да биде испратена до раководството на Европската унија, вклучително и Европската комисија и комесарот за проширување, Оливер Вархеји.

Би можело да ве интересира

Австрија ги засилува граничните контроли поради мигрантите

Ана Ололовска

Во Австрија расте бројот на заразени повратници од одмор во Хрватска и Шпанија

Жарко Настоски

Русија е подготвена на взаемно признавање на вакцините со ЕУ

Мистериозна болест меѓу американските дипломати во Виена

Ана Ололовска

Метеоролозите предупредуваат дека бранот од Германија и Австрија може да ја зафати и Словачка

Ана Ололовска

ВИДЕО: Се поголем е бројот на жртви од поплавите во Западна Европа, драматични снимки доаѓаат од Австрија