Нов бран штрајкови во Грција

Од:

Од денеска во Грција започнува недела на нови штрајкови, кои ќе ги опфатат државниот сектор, образованието, општинската админстрација и осигурителните компании.

По повик на својот синдикат, вработените во локалната самоуправа денеска ќе започнат 48-часовен штрајк против отказите и прераспоредувањето на службениците во државниот сектор, согласно мерките наметнати од меѓународните кредитори на Грција.

Државните службеници утре и в среда ќе штрајкуваат против намалувањето на бројот на работните места, а се очекува да им се приклучат и вработените во приватниот сектор.

Од денеска во 48-часовен штрајк стапуваат и вработените во осигурителните компании, како и професорите од средните училишта.

Синдикатите во Грција најавуваат целосна подготвеност да продолжат со борбата против „уништувачката политика“ на Владата и „тројката“ меѓународни кредитори од ЕУ, ЕЦБ и ММФ, чии претставници вчера пристигнаа во Атина со цел со властите да ја договорат исплатата на следната транша од финансиската помош во износ од една милијарда евра.

Би можело да ве интересира

Секој деветти Грк веќе ги примил двете дози од вакцината против Ковид-19

Жарко Настоски

Калафатис за копнениот туризам: Ова лето ќе биде подобро и ќе дојдат повеќе туристи

Ана Ололовска

Масовен протест во Атина, Ципрас и Варуфакис заедно со демонстрантите

Ана Ололовска

Генерален штрајк на вработените во јавниот сектор во Грција

Ана Ололовска

Грција ќе дозволи влез на туристи вакцинирани и со руската и кинеската вакцина

Ана Ололовска

На Крит вчера измерени рекордни 39 степени

Ана Ололовска

Leave a Comment

seventeen + twenty =