Норвешка ќе додели дополнителни 3,5 милиони евра од различни фондови за да обезбеди помош за обнова на Србија по поплавите, како и милион евра поддршка на граѓанското општество, локалните самоуправи и медиумите во Србија, Македонија и Црна Гора, соопшти амбасадата на Норвешка, јави Танјуг.
Амбасадата во Норвешка во Белград ќе одбележи утре почеток на 35 нови развојни проекти, поддржани преку фондот на амбасадата, кои ќе придонесат за промени, напредок, и развој во локалните заедници во Србија, Црна Гора и Македонија.
Норвешкиот амбасадор Нилс Рагнар Камсваг утре ќе најави доделување на дополнителни средства од 3,5 милиони евра кои ќе бидат достапни за набавување на неопходна медицинска опрема и за обнова на инфраструктурата во областите погодени од поплавите.