Претседателот на Србија, Томислав Николиќ по состанокот во Рим, со америкаснскиот потпретседател Џозеф Бајден, оцени дека Вашингтон нема вистински информации во дијалогот помеѓу Белград и Приштина.
Николиќ истакна дека Бајден не бил доволно информиран за Резолуцијата која Србија ја донесе за Косово и за тоа што тие бараат во дијалогот со Приштина.
Тој наведе дека информациите кои што пристигнуваат во Вашингтон, не одговараат на состојбата помеѓу односите на Белград и Приштина и дека напредокот не е правилно оценет.
-Бајден, како претставник на американската администрација, не беше запознаен со деталите за тоа што бараше Парламентот на Србија и каква Резолуција донесоа – изјави Николиќ, по синоќешниот состанок.
Претседателот на Србија наведе дека разговорот бил корисен, бидејќи зборувале за теми кои кои што ги интересираат САД.
Елена Георгиевска