Ние и Исланд имаме најмалку заразени во Европа, се фали албанскиот премиер Рама

Од:

Албанскиот премиер Еди Рама преку објава на социјалните мрежи се пофали дека според глобалното мерење, во последните две недели за намалување на бројот на заразени со Ковид-19, Албанија и Исланд, се двете земји со најмалку случаи на инфекции на Стариот континент.

Рама го сподели двонеделниот графички приказ објавен на престижната веб-страница Ourworldindata.org, во врска со случаите со Ковид-19 на милион жители каде може да се забележи драстично намалување на случаите на заразени во Албанија.

Од започнувањето на националната кампања за вакцинација против опасниот вирус „Албанија се насмевнува“ се аплицирани над 800.000 вакцини.

– Пристигна нова пратка од 11.700 вакцини од Фајзер со кои досега добиени се 911.000 дози. Вакцинацијата се спроведува според сите параметри на безбедност и квалитет од страна на обучени тимови низ целата земја. Нашата цел од милион вакцинирани во јуни е пред остварување. Албанија се насмевнува, напиша Рама.

Во меѓувреме, според податоците на Министерството за здравство во последното деноноќие во земјата нема починат ковид пациент а вирусот е дијагностициран кај 13 лица. Моментно активни на болеста се 209 лица од кои на болнички третман се 23 пациенти.

Би можело да ве интересира

Гинцбург: Спутник В штити од сите мутации на Ковид-19

Ландов

Албанија обезбеди бесплатни брзи тестови за туристите, ако се пожалат дека имаат симптоми на коронавирус

Ландов

Услови за патување во Грција, Турција и Албанија

Русите открија новa опаснa варијанта на коронавирусот, можно е да е отпорна на вакцините

Жарко Настоски

Албанскиот Уставен суд може да побара од Венецијанската комисија мислење околу одлуката за разрешување на претседателот Мета

Ана Ололовска

Совет на ЕУ: Проширена листа на земји чии државјани немаат ограничувања за патување

Ана Ололовска