Независен адвокат на Судот на ЕУ: Судот не е надлежен за словенечката тужба против Хрватска

Од:

Независниот адвокат на Судот на ЕУ, Естонецот Прит Пикамае истакна дека тој суд не е надлежен во спорот кој Словенија го почна против Хрватска, поради наводно прекршување на европското право, предизвикано од неспроведувањето на арбитражната одлука за границата, јави Хина.

Мислењето на независниост адвокат, како ни одлуката на Судот на ЕУ која се очекува на пролет следната година, не се однесуваат на содржината на словенечките приговори, туку само на прашањето дали Судот на ЕУ е надлежен или не за тоа прашање. Инаку, мислењето на независните адвокати не се обврзувачки за Судот. Независниот адвокат не застапува ничии интереси, ниту страни, ни јавност, туку само дава стручно мислење за релевантни правни прашања.

Словенија почна постапка против Хрватска врз основа на Договорот за функционирање на ЕУ и предложи Судот на ЕУ да утврди дека официјален Загреб ги прекршува член 2 и 4 од Договорот, кои се однесуваат на почитување на владеење на правото и лојална соработка меѓу државите-членки на ЕУ. Словенија, исто така, тврди дека Хрватска ја прекршува уредбата за заедничка рибарска политика, шенгенските прописи за движење на лица и директивите во поморското просторно планирање.

Би можело да ве интересира

Индекс: Пленковиќ го смени министерот за здравство

Ана Ололовска

Пронајдено телото на вториот пилот од урнатиот воен хеликоптер во Хрватска

Ана Ололовска

Продолжува потрагата по вториот пилот од урнатиот воен хеликоптер во Хрватска

Ана Ололовска

Туристи од Тајван носеа натписи „Не сме од Кина“

Драган Поповски

ЕК од блиску го набљудува однесувањето на хрватската полиција кон мигрантите

Ана Ололовска

Шарец е четвртиот словенечки премиер кој поднесува оставка

Ана Ололовска