Нема кворум за смена на Абазовиќ, тој порача „слично ќе биде и утре“

Од:

Црногорското Собрание денеска не го усвои предложениот дневен ред за седницата на која требаше да се расправа за разрешување на вицепремиерот Дритан Абазовиќ.

За дневниот ред се изјаснија 77 пратеници, од кои 20 беа за, 11 против и 46 воздржани.

На седницата дојдоа речиси сите членови на власта и опозицијата, а членката на Демократскиот фронт Симонида Кордиќ гласаше преку видео линк.

Премиерот Здравко Кривокапиќ побара разрешување на Абазовиќ, бидејќи коалицијата „Црно на бело“ (ГП УРА и ЦИВИС) и пратениците од опозицијата побараа да се изгласа недоверба на Владата, за што пратениците ќе гласаат утре.

Абазовиќ пред почетокот на седницата изјави дека е „опуштен“, а по неа додаде „ по моја некоја слободна проценка утре ќе има уште помалку за поддршка на владата. Работата е недвосмислена. Тоа е продолжение на одговорот на волјата на народот. И да беше поинаку, нема проблем. Единствената тенденција во моментов е сите заедно да изнајдеме одржливо решение кое може да ја турне земјата напред“.

-Многу слично седницата ќе заврши и утре, додаде тој.

Би можело да ве интересира

Нов земјотрес e регистриран во Црна Гора

Нов земјотрес ја погоди Црна Гора

Нов земјотрес во Црна Гора

Нов земјотрес во близина на Никшиќ

ВИДЕО: Први снимки од земјотресот во Црна Гора

30 последовни земјотреси регистрирани по главниот удар во Црна Гора

Катерина Ѓуровски