Не е постигнат договор за избор на делегати во Домот на народите во БиХ

Од:

Денешната средба на претставниците на опозициските партии од Република Српска и Социјалдемократската партија на Босна и Херцеговина (СДП БиХ) во Сараево заврши без договор за избор на делегати во Домот на народите на БиХ, а разговорите ќе продолжат в среда.

Претседателот на Партијата за демократски напредок, Бранислав Бореновиќ, изрази надеж дека по гласањето в среда, Сојузот на независни социјалдемократи (СНСД) на Милорад Додик нема да има четврти делегат во Клубот на Србите, што, според него ќе овозможи одблокирање на работата на институциите.

Денешниот состанок го иницираше СДП БиХ со цел да се обиде да постигне договор според кој СНСД нема да добие четири од петте делегатски места во Клубот на Србите.

Милан Миличевиќ, в.д претседателот на Српска демократска партија (СДС) посочи дека имале искрен разговор за изборот на делегати, но дека не е постигнат договор.

– Немаше условување. Денеска разговаравме како да се направи подобар живот во БиХ. Фокусот не е на моќта по секоја цена, туку како да се направи подобар живот во БиХ, како да се решат основните човечки проблеми. Има теми кои се замрзнати четири години, посочи Миличевиќ.

Извор: МИА

Би можело да ве интересира

ЕУ бара од Босна и Херцеговина да воведе визи за граѓаните на Русија

А1он

Потврден новиот состав на Советот на министри на БиХ

Поранешен босански фудбалер претепан и застрелан во глава

Три тела и 20 мигранти се пронајдени во шума во близина на границата на Босна и Херцеговина со Хрватска

Советот за општи работи на Европската унија одобри кандидатски статус за БиХ

А1он

Падна Един Тито Гачанин – мистериозниот босански нарко бос е уапсен во големата акција во Дубаи

Катерина Павлова-Николовска