НАТО донира 60 респиратори во Албанија

Од:

Албанското Министертво за одбрана прими донација од НАТО која се состои од 60 респиратори машини.

Во врска со донацијата, преку Фејсбук се огласи американската амбасада, која наведе дека САД покажува дека испораката на респираторните машини од американско производство ја потврдува посветеноста на САД кон глобалните предизвици.

-Сојузниците на НАТО се обединети во борбата против Ковид-19. Испораката во Албанија на 60 респиратори произведени во Америка, од резервите на Алијансата, ја покажува посветеноста на Соединетите држави за нашата трансатлантска врска и вистинското обединување на НАТО против глобалните предизвици, пишува во објавата на американската амбасада.

Донацијата била координирана од евро-атлантскиот центар за координација и одговор на катастрофи на НАТО (EADRCC). Деновиве донацијата ќе биде предадена на албанското Министерство за здравство по што ќе биде распределена по болниците.

Во Албанија се влошува состојбата со Ковид-19, каде овој месец во просек дневно се регистрираат по 230 новозаразени. Во последните 24 часа Ковид-19 е дијагностициран кај 301 лице, што е највисока бројка до сега.

Би можело да ве интересира

Србија: Полициски синдикат тужи 300 директори на школи затоа што ги терале учениците да носат маски

Жарко Настоски

Британија ќе ги олабави мерките за Божиќ, луѓе од три домаќинства ќе може да слават заедно

Жарко Настоски

Макрон до Французите: Вашите напори се исплатија, го поминавме врвот на вториот бран

Жарко Настоски

Британија: Трипати повеќе починати од вчера, најмногу смртни случаи од Ковид-19 во последните шест месеци

Жарко Настоски

Во Грција починал 101 пациент заразен со коронавирусот, забележани 2.135 нови случаи

Жарко Настоски

Речиси 7.000 новозаразени во Србија, 37 починати од Ковид-19

Жарко Настоски