Нов негативен рекорд со коронавирусот е забележан во Црна Гора, каде во последните 24 часа се регистрирани 296 новозаразени со коронавирус и осум смртни случаи, соопшти денеска Институтот за јавно здравје.
Анализирани биле 749 примероци со сомневање за Ковид-19, што значи дека се заразени околу 40 проценти од тестираните лица. Најмногу нови случаи се од Подгорица, 82 и Никшиќ, 79.
Во земјата во моментов има 3.448 активни случаи, соопштија здравствените власти.