Бугарските археолози тврдат дека го пронашле најстариот праисториски град во Европа.
Остатоците на утврдената населба се најдени во близина на градот Пробадија, во близина на Варна, а археолозите сметаат дека бил важен центар за производство на сол.
Археолозите веруваат дека новооткриениот град исчезнал некаде меѓу 4700 и 4200 година пред нашата ера и во него живееле околу 350 луѓе.
Ако нивните проценки се точни, тоа значи дека градот исчезнал околу 1500 години пред старогрчката цивилизација.
Ископувањата на ова место започнале во 2005 година, а до сега меѓу останатото, најдени се двоспратни куќи, неколку јами користени за ритуални потреби како и делови на порта и бастион.
Порано, оваа година, пронајдена е и мала некропола која се уште се истражува.
Жителите на овој град вареле вода од локалниот извор и ја користеле за правење на блокови на сол кои ги тргувале и кои им служеле за чување на месо.